“Сәйдәш” мәдәният үзәгендә “Татар сүзе” конкурсының җиңүчеләрен игълан иттеләр. Бәйгедә Татарстан, Россия төбәкләре һәм чит илләрдән 3 меңнән артык милләттәшебез катнашты. Алар туган телендә шигырьләр һәм проза әсәрләреннән өзек укый. Быелдан әлеге иҗади бәйге телевизион форматта һәм күләмлерәк төстә үткәрелә. Конкурсны туган телләрне саклау комиссиясе ярдәмендә безнең канал оештырды.