“Дөнья” студиясендә кунакта Казан шәһәре халык сәнгате һөнәрләре көллияте директоры Раушания Сәүбанова. Әлеге уку йорты халкыбызның буыннан-буынга мирас итеп калдырган һөнәрләрен өйрәтә. Биредә милли киемнәр тегәргә, күн читекләр, чүәкләр эшләргә, зәркәнчелек осталыгына өйрәнергә, агачтан менә дигән эшләнмәләр ясаучы оста булып чыгарга мөмкин. Яшьләрне дә, өлкәннәрне дә алтын куллы һөнәрче итеп әзерләп чыгаралар. Казан шәһәре халык сәнгате һөнәрләре көллиятенә ничек укырга керергә, моның өчен нишләргә? Әңгәмәне караганнан соң, күп кенә сорауларга җавап табарга мөмкин.