Ул Татарстаннан читтә иң беренчеләрдән булып татар эшмәкәрләрен туплап аларның иҗтимагый җәмгыятен оештыра һәм төбәктәге татар милли тормышына, мәдәниятенә һәм мәгарифенә ярдәм итүне җайга сала. Сүзебез Ульяновск өлкәсендә моннан 25 ел элек оешкан “Сембер” малтабарлар клубы һәм аның беренче җитәкчесе Равил ага Кузахмәтов хакында бара. Төбәкнең татар җәмәгатьчелеге Равил аганың исемен һәм хезмәтләрен мәңгеләштерү максатыннан өлкәнең татар мәдәният Үзәге бинасында аның хөрмәтенә истәлек тактасы ачтылар. Теманы Рамис Сафин дәвам итә.