Истанбул Университетында әдәбият факультетында беренче тапкыр “Татарча диктант” акциясе узды.30 артык кеше килде. Алар арасында татарлар гына түгел, төрекләр, украиннар, әзербайҗаннар да бар иде, дип хәбәр итәләр Төркиядәге милләттәшләребез.

Диктантны Төркиядә яшәүче Казан кызы, артист, татар яшьләре бүлеге җитәкчесе Айгөл Галиуллина укыды.

Диктант язганда кайбер җөмләләр озын, сүзләре дә язу өчен авырррак булып тоелды,шуңа да карамастан, хаталарсыз язганнары да байтак иде. Гомумән, катнашучыларның күбесе диктантны 4ле һәм 5 ле билгеләренә язды.