Мәгълүм булганча, бөек Болгар дәүләтенең чикләре хәзерге Идел елгасы буендагы байтак төбәкләр буенча сузылган була. Хәзерге Ульяновск өлкәсенең дә байтак өлеше әлеге борынгы дәүләт составына кергән. Шуңа күрә биредә археологлар әле һаман да 10-11 нче гасырларга караган байтак хуҗалык әйберләре, сугыш кораллары, мөселман каберлекләре табалар… Өлкәнең Иске Майна районында ел саен узучы «Бөек Идел юлы» тарихи фестивале кысаларында узган фәнни-гамәли конференциядә дә сүз башлыча әнә шул хакта барды. Теманы бу төбәктәге үз хәбәрчебез Рамис Сафин дәвам итә.