Бүгенге көндә Ульяновск өлкәсендәге шәһәр-авылларда дистәдән артык татар халык театры коллективлары эшләп килә. Аларның байтагы узган гасырның 60-70 нче елларында ук оешкан. Ә менә Ульяновск шәһәренең “Киндяковка” мәдәният сарае каршында эшләүче “Нур” халык театры чагыштырмача яшь булса да, инде шәһәр, өлкә кысаларында узучы байтак бәйге-конкурсларда катнашып лауреат исеменә лаек булган коллективларның берсе. Алар ике ел рәттән Казанда узучы “Идел-йорт” Бөтенроссия театр бәйгесендә дә җиңү яулап кайттылар. Шушы көннәрдә генә “Нур” артистлары семберлеләргә яңа премьера тәкъдим иттеләр. Теманы Рамис Сафин дәвам итә.