Быел Россиядә беренче татар басма китабы чыгуга 300 ел тулу уңаеннан Ульяновск татар милли-мәдәни автономиясе байтак кына чаралар уздырырга ниятли. Аның кысаларында шәһәрнең милли китапханәсендә татарның дөнявый шигъриятенә нигез салучы шагыйрь, 18 нче гасырда Сембер төбәгендә яшәгән Габделҗаббар Кандалыйга һәм рус шагыйре Александр Пушкин шигырьләрен татар телендә сәнгатьле уку буенча чаралар узды. Әлеге әдәби-музыкаль очрашуларга һәрдаим Татарстан язучылары да чакырулы.