Монда шулай гадәткә кергән-һәр ел азагында районда эшләүче татар милли-мәдәни автономиясе әгъзалары һәм мәхәллә активистлары бергә җыелып узган елга йомгак ясыйлар, хәл ителәсе мәсьәләләр хакында сөйләшәләр һәм алдагы елда башкарыласы эшләрне барлыйлар. Сүзебез Ульяновск шәһәренең Зөяаръягы белән Идел арты районнары хакында бара. ТНВ хәбәрчесе Рамис Сафин әле агымдагы ел башында гына ачылган мәхәлләгә кергән мөселман кан-кадәшләребезнең эшчәнлеге белән таныштыра.