Казанда нәшер ителүче “Үз өем” журналы берничә ел элек балалар һәм өлкәннәр өчен яңа форматтагы “Аулак өй” дигән проектны башлап җибәргән иде. Элекке елларда безнең әби-бабайларыбыз оештырган аулак өйләрдән аермалы буларак, монда катнашучылар җырлап-биеп, күңел ачып кына калмыйча, татар әдәбиятын, милләт тарихын, мәдәниятен белү буенча да көч сынашалар. Узган елларда әлеге чара Татарстан районнарында гына узган булса, хәзер ул илебезнең татарлар яши торган төбәкләренә дә чыкты.