“Болгар радиосы” елдагыча – велойөреш уздырды. Моннан 8 ел элек башланган традиция торган саен популярлаша. Аңа яңа артистлар кушыла, узышчылар тукталыш ясый торган авыллар үзгәрә. Иң мөһиме – “Болгар радиосы”ның тугры тыңлаучыларының саны арта. Велойөрешкә “Яңа гасыр” каналы җитәкчелеге, радио алып баручылары, журналистлар, татар эстрадасы йолдызлары бик теләп кушылды. Алар 200 чакрым юл узды, Иске Рәҗәп, Никольское авылларында, аннары Болгарның үзендә концерт куйдылар.