Татарстан киносының тагын бер адымы. Россия прокатына үзебездә төшерелгән тагын бер фильм чыкты. Байбулат Батулланың "Ядәч! Истә!" дип аталган тулы метражлы картинасы. Ул һичшиксез, 2023нче елның бер мәдәни вакыйгасы булып тарихка керәчәк. "Ядәч" тамашачыны Россиядәге популяр фильмнарда төшкән Роза Хәйруллинаның уйнавы, Рабит Батулланың үзен кинода сынап каравы һәм үзенчәлекле милли мохите белән җәлеп итәчәк.