Чувашстанның Яңа Чабаксар шәһәрендә алты меңгә якын кан-кардәшебез гомер итә. Шәһәрдә татар милли-мәдәни автономиясе, хатын кызларның “Ак калфак” оешмасы эшләп тора, күптән түгел генә Бөтенроссия “Татар гаиләсе” фондының да җирле бүлекчәсе теркәлде…. Ә моннан берничә ел элек алар бергәләп шәһәр җитәкчелеге белән килештереп Идел елгасы буенда мәчет тә салып куялар. Әлеге гыйбадәтханәнең төзелү тарихы һәм аның бүгенге эшчәнлеге белән безне хәбәрчебез Рамис Сафин таныштырыр.