Тукай 1913 елның 15 апрелендә (иске стиль буенча 2 апрельдә) Казаннның Клячкин шифаханәсендә 20 сәгать 15 минутта вафат була. Милләтебезнең бөек улының урыны җәннәттә булса иде! Гадәт буенча, бүген Казанның Иске татар зиратында Тукай каберенә чәчәкләр салу булды.

Синең өчен апрель ае –

Икейөзле яз малае,

Саклап йөргән икән үчен.

Җанга мунча булмас җирдән

Апрель алып китте сине.

Апрель –

Кышның язы,

Язның кышы булды кебек

Халкың өчен.

 

Булат Ибраһим