Татарстан Президенты ярдәмчесе, Болгар ислам академиясен гамәлгә куючылар советы рәисе Камил Исхаков журналистларга Казанда Җәмигъ мәчетен төзү өчен нинди җир кишәрлекләре билгеләнүен сөйләгән.
“Берничә вариант бар. Берсе – Казан Кремле каршында, “Ривьера” һәм “Гаилә үзәге” арасында. Икенчесе – Сәлимҗанов урамында, әмма мин анда Җәмигъ мәчетен күз алдына да китерә алмыйм. Шулай ук Казанның 1000 еллыгы паркында да, “Кырлай”паркы тирәсендә дә күзаллап булмый”, – дигән Камил Исхаков.
“Гомумән, соңгы сүз Рөстәм Нургалиевич Миңнехановтан булачак. Мин тәкъдимнәр әзерләячәкмен һәм дәлилләячәкмен”, – дигән Исхаков “Собака.ги” журналында чыккан интервьюсында.
Басманы телевидение алып баручысы, Mrs. Planet 2016 матурлык конкурсының җиңүчесе Рада Кузьмина җитәкли.
