Мари Эл Республикасының Кулбаш мәдәният йорты үзешчән артистлар театры Йошкар-Ола шәһәрендә Туфан Миңнуллинның “Кияүләр” (“Гөргөри кияүләре”) спектаклен күрсәтәчәк. Бу турыда Мари Эл татарлары милли-мәдәни үзәге хәбәр итә.

Ике бүлектән торган музыкаль комедияне 14 апрель көнне тамаша кылырга мөмкин булачак.

Белешмә: Спектакльнең премьерасы Г.Камал исемендәге Татар дәүләт академия театрында 1995 елның маенда булган иде. Ул керәшен татарларының  яшәү рәвешен, тормыш-көнкүрешен, йолаларын җыр-биюләр, фольклор әсәрләре аша чагылдыра.