Казанда Ульяновск өлкәсенең Павловка районындагы Татар Шмалагы авылы турында китап дөнья күрде.
«Өмет» газетасының инстаграмдагы сәхифәсендә хәбәр ителгәнчә, китапны шушы авылда туып үскән, озак еллар Казанда җитәкче урыннарда эшләгән Рәфик Әхмәров язган.
Әлеге басмада авылның рәсми документларга нигезләнеп язылган борынгы тарихы, аннан чыккан танылган шәхесләр хакында бай һәм кызыклы язмалар урын алган.
Китап өч йөз нөсха белән чыккан.
