Укытучылар бөтен гомерләрен җир йөзендәге авыр, ләкин мактаулы эшкә багышлаган кешеләр ул. Алар-үсеп килүче буын өчен ачык үрнәк. Тормыш тәҗрибәсе туплаган һәр кеше Остаз һәм укытучы булып тора. Кемгәдер педагог булып эшләү-ул мавыгу, кемгәдер бары тик һөнәр, ә кемгәдер бөтен тормышы.

5 апрелдә Югары Симет мәдәният йорты һәм китапханә хезмәткәрләре, Түбән Симет авыл клубы мөдире Югары Симет урта мәктәбенең математика укытучысы Гөлнар Гәрәйшовна Заһриевага багышланган “Гомерем тәлгәшләре!” дип исемләнгән кичә үткәрделәр.  Бәйрәм юбилеенда мәктәп директоры Гарифуллин Рәфис Нәкыйп улы, Гөлнара Гәрәйшовна белән озак еллар эшләгән укытучылар һәм, әлбәттә, аның яраткан укучылары катнашты. Бәйрәм тамашачыларны җирле артистларның талантлары белән сөендерде. Җырлар, биюләр яңгырады, алар барысына да онытылмас хисләр бүләк итте.

Чыганак: saby-rt.ru