Ульяновск шәһәрендә «Татар мәдәнияте үзәгендә», Татар кызы-2024 бәйгесенең төбәк этабына багышланган очрашу узды. Әлеге бәйге Ульяновск өлкәсенең татар яшьләре «Яшьтиме» оешмасы, «Сембер» эшкуарлар бизнес клубы һәм «Ульяновск өлкәсе татар милли-мәдәни мохтарияте» оештырачак.

Түгәрәк өстәл оештыручыларны һәм экспертларны җыйды, алар арасында Бөтендөнья татар конгрессының татар яшьләре белән эшләү комитеты вәкилләре – Алмаз Хәлиуллин һәм Эльмира Вәлиева, шулай ук Халыкара «Татар кызы» бәйгесе дирекциясе кураторы һәм программа директоры – Азилә Әюпова катнаштылар.

Түгәрәк өстәлдә бәйгене катнашучылар һәм тамашачылар өчен тагын да яхшырак итү идеяләре яңгырады. Мастер-класслар, мәдәни чаралар һәм концерт оештыру мәсьәләләре каралды.

Түгәрәк өстәлдә катнашучылар «Татар кызы-2024» бәйгенең Ульяновскта гына түгел, аннан читтә дә татар мәдәниятен һәм талантларын популярлаштыруга тагын бер адым булачагына ышаныч белдерделәр.

Без һәр катнашучы үз сәләтләрен күрсәтә һәм башкаларны зур казанышларга рухландыра алыр дип өметләнәбез. Бәйгенең башлануын көтәбез һәм аның якты киләчәгенә ышанабыз!