Бүген Мордовия Республикасының Аксюн авылында уза торган XII Бөтенроссия авыл Сабан туеның төп сәхнәсендә милли бәйрәм символы – Тулпар ат тапшырылды.

Әстерхан өлкәсе Губернаторы Администрациясе җитәкчесе Павел Паутовка канатлы атны Мордовия Республикасы башлыгы Артем Здунов тапшырды.

Әстерхан җире 2008 һәм 2017 елларда ике тапкыр Федераль Сабантуйны кабул итте. 2023 елда планлаштырыла торган бәйрәм бөтенроссия масштабындагы өченче һәм Бөтенроссия авыл Сабан туе географиясендә беренче булачак.