“Ак калфак” татар хатын-кызлары иҗтимагый оешмасы җитәкчесе Кадрия Идрисова һәм оешма вәкилләре Башкортстанның Туймазы шәһәрендә “Кандракүл” исемендәге “Сәләт” Республика балалар һәм яшьләр фестивалендә очрашу үткәрде. Чара “Сәләт-Кандракүл” татар балалар аланында үтте.

Лагерьда 57 бала җәйге ялларын уздыра. Шуларның 7се Татарстаннан. Яшь буын белән очрашуга килгән “Ак калфак” әгъзалары   балалар белән әңгәмә корды, тәрбия, әхлак темасына кагылышлы сөйләшүләр алып барды. Очрашу сорау-җавап калыбында үтте.

Шулай ук “Ак калфак” оешмасы вәкилләре бүген Башкортстанда Төмәнәк авылында оештырылган балалар Сабан туенда катнаша.