Баулыда тамбурлы чигү буенча мастер- класс узды. Туган якны өйрәнү музее хезмәткәре Кадрия ханым Гимазова тамбурлы чигүнең бик ераклардан, гасырлардан килгән тарихы белән таныштырды. Музейдагы бик борынгы чигү үрнәкләрен, кашага, эскәтер, алъяпкыч, намазлыкларны карадылар. Шул үрнәктә чигү алымнарын Сәгъдүнә ханым Сәхибуллина күрсәтте, өйрәтте.
Барлык килүчеләргә алдан әзерләп куелган, рәсеме ясалган кулъяулыкларны чигәргә тәкъдим иттеләр.
Укучы кызлар, Ак калфаклы ханымнар бу мастер класс өчен оештыручыларга, музей хезмәткәрләренә бик рәхмәтле булып таралыштылар. Мондый чигү чигешле чаралар, мастер- класслар даими узачак дип планлаштырыла.
