Бөтендөнья татар конгрессы Башкарма комитеты җитәкчесе Данис Фәнис улы Шакиров бүген XI Бөтенроссия татар авыллары Сабан туен оештыру мәсьәләләре буенча Мөслим районында эш сәфәре белән булды. Милли бәйрәмебез биредә 3 нче июль көнендә уздырылачак.

Данис Шакиров бәйрәм мәйданындагы әзерлек барышы белән танышты. Биредә эш тулы көченә кайный. Хәзерге вакытта Сабан туеның программасы, чакырылачак кунаклар исемлеге һ.б. әзер. Бәйрәм барышында эпидемиологик саклык чаралары да күреләчәк.