Бүген, 11 октбярь,  Бөтендөнья татар конгрессы Милли Шура рәисенең беренче урынбасары, Бөтендөнья татар конгрессы Башкарма комитеты җитәкчесе Данис Шакиров БТК бинасында Пиреней ярымутравы территориясендә төрки халыкларның татар-башкорт ассоциациясе җитәкчесе урынбасары Ринат Хәйдәров белән очрашты.

Очрашу вакытында Данис Шакиров Ринат Хәйдәров белән 2024 елның март аенда Барселонада татар мәдәнияте көннәре уздыру турында сөйләштеләр, киләчәк хезмәттәшлек мәсьәләләре турында да фикер алыштылар.