ТР Премьер-министры урынбасары, Бөтендөнья татар конгрессы Милли Шура рәисе Васил Шәйхразыев Саха (Якутия) республикасындагы эш сәфәрен якут совет әдәбиятына нигез салучы, күренекле дәүләт һәм җәмәгать эшлеклесе П.А. Ойунский һәйкәленә чәчәк салудан башлады.
Бүген ул шулай ук, Сабантуй һәм Ыссыаха милли бәйрәмнәр узачак урыннар белән танышачак. Шулай ук эшлекле сәфәр кысаларында вице-премьерның Милли сәнгать музее, Суорун Омоллоон исемендәге Саха (Якутия) Республикасы дәүләт опера һәм балет театры, Якутск шәһәренең Татар мәдәнияте үзәге белән танышу да планлаштырылган.
