Хөрмәтле милләттәшләрем!
Халык санын исәпкә алу чарасы үзенең ярты юлын узды инде. Самара өлкәсендә бу чарага актив катнашалар, чөнки аның хөкүмәтебез өчен дә, шәхсән һәрбер кеше өчен дә кирәклеген аңлыйлар.
Безнең татар милләтебез өчен татар халкыбызның бүгенге көндә санын белү иң мөһим хәл. Ул безнең киләчәгебез өчен, гасырларга җәелгән тамырларыбызны өйрәнү, телебезне, мәдәниятебезне, гореф-гадәтләребезне, динебезне саклап калу өчен бик зур таяныч булып санала. Шуңа күрә дә милләтебез татар, туган телебез татар теле диеп күрсәтү һәрбер татарның бурычы. Ялгыша күрмик, хөрмәтле милләттәшләрем!
Фәхретдин Канюкаев
Самара татарларының “Дуслык” оешмасы президенты
