21нче август көнне Ульяновск өлкәсе Иске Майна районында узган “Бөек Идел буе юлы” тарихи фестивале узды. Биредә Бөтендөнья татар конгрессы Башкарма комитеты җитәкчесе урынбасары Илгиз Халиков катнашты. Ул фестиваль кунакларын Бөтендөнья татар конгрессы җитәкчелеге исеменнән сәламләде һәм Этнографик туризм үсеше буенча төбәкара конференциядә чыгыш ясады.

Фестиваль Урта гасырлар дәверендә Урта Идел буе территориясендә яшәүче халыклар турында тарихи хәтерне саклауга, яшьләр арасында тарихны өйрәнүне популярлаштыруга, шулай ук борынгы халыкларның тормышы һәм көнкүреше турындагы уникаль белемнәрне кызыксынган һәр кешегә җиткерүгә юнәтелгән.