Быел илебез башкаласында Татарстан мәдәнияте көннәре 14, 15 һәм 18 августта узачак.
Мәдәни чаралар Татарстан Республикасы Хөкүмәте, Татарстан Республикасының Россия Федерациясендәге Тулы вәкаләтле вәкиллеге, Татарстан Республикасы Мәдәният министрлыгы, Мәскәү Хөкүмәте ярдәме белән оештырылып килә. Мәскәүлеләр төбәкнең мәдәнияте белән ел саен 2010 елдан бирле танышалар.
Роспотребнадзор таләпләрен исәпкә алып, быел чаралар саны кыскартылган.
Чаралар программасы белән сылтама буенча күчеп танышырга мөмкин.
