12-18 августта Мәскәүдә Татарстан Республикасы мәдәнияте көннәре үтә. Быел чаралар ТАССРның 100-еллыгына багышлана. Мәдәният көннәре 12 һәм 13 августта Камал театрының “Бию пәрие” һәм “Ак калфагым төшердем кулдан” спектакльләренең видеоязмалары белән ачыла. Спектакльләр Мәскәүнең Татар мәдәни үзәгендә күрсәтелә.
Мәскәүдә Татарстан мәдәнияте көннәрен оештыручылар: Татарстан Республикасы Хөкүмәте, Россия Федерациясендә Татарстан Республикасы Вәкаләтле вәкиллеге, Татарстан Республикасы Мәдәният министрлыгы.
