14 декабрьдә Татарстан Республикасы министрлыклары һәм ведомстволары белгечләре катнашында Бөтендөнья татар конгрессының Татарстан Республикасы буенча җирле оешма җитәкчеләренең семинар-утырышы  булачак. Әлеге чарада Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев катнашачак.

Шулай ук Казанда Татарстан Республикасы җирле оешма җитәкчеләренең Татарстан Республикасы Милли китапханәсе буенча экскурсиядә һәм Айдар Хәлимнең 80 яшьлек юбилеена багышланган иҗат кичәсендә катнашулары көтелә.