Бүген Россиядә Радио көне билгеләп үтелә. Шул уңайдан Казанда 5 нче маршрут буенча «Караоке-трамвай» йөрде. 

Махсус трамвай 11:00дән 14:00 сәгатькә кадәр маршрут буенча йөрде. Трамвайда «Болгар радиосы» алып баручылары һәм татар эстрадасы йолдызлары пассажирлар белән бергә җырлады, бәйрәм итте.

Иң кызыгы – баян аккомпанементы астында артистлар белән бергә башкару өчен композицияне пассажирлар үзләре сайлап алырга мөмкин иде.