Казанда XII Бөтенроссия татар дин әһелләре җыены дәвам итә. Бүген башкаланың Җәмигъ мәчетенә нигез ташын салу тантанасы уза. Форум делегатлары әлеге чарада катнаша. Яңа сафка бастырылачак гыйбадәт йорты урынында җомга намазы да укыла.

Көннең икенче яртысында, 15 сәгать 30 минутта Муса Җәлил исемендәге Татар дәүләт академия опера һәм балет театры бинасында Татарстан Республикасы Президенты Р.Н. Миңнеханов катнашында пленар утырыш уза.

Иртәгә, 21 нче майда, тарихи Болгар җирлегендә «Изге Болгар җыены» үткәреләчәк.