Татарстан Республикасы Милли музеенда узачак беренче «Музыкаль пәнҗешәмбе» татар классик композиторы, дәүләт һәм җәмәгать эшлеклесе, Казан дәүләт консерваториясенә нигез салучы һәм аның беренче ректоры Нәҗип Җиһановның туган көненә багышлана. «…Пәнҗешәмбе» шимбә көнне 15 февральдә узачак. Бу көнне Нәҗип Гаяз улының тууына 111 ел тула. Чарада Татарстан Республикасы Дәүләт кыллы квартеты һәм Казан консерваториясе студентлары башкаруында илебез һәм чит ил композиторларының инструменталь музыкасы яңгыраячак.

«Музыкаль Пәнҗешәмбеләр» мәдәни-белем бирү циклы Милли музей стеналарында узган ел башланып китте. Ул Казан консерваториясе ярдәме белән үткәрелә. Казан музыка дөньясының танылган шәхесләре һәм коллективлары белән гадәти булмаган очрашуларның инициаторы-композитор Нәҗип Җиһанов музее, Татарстан Республикасы Милли музее филиалы.

14.00 сәгатьтә Дәүләт кыллы квартеты Нәҗип Җиһанов һәм Мансур Мозаффаров әсәрләрен башкарачак. 16.00 сәгатьтән башлап музей диварларында бик символик күренеш булган виолончель яңгыраячак. Нәҗип Гаяз улы музыка коралларыннан икенчесе буларак виолончельне үзләштерә. 1928-1931 елларда Казан көнчыгыш музыка техникумында виолончель классы буенча укыган вакытта Җиһанов Рувим Львович Поляковның укучысы була. Фортепиано классы буенча –ул аның беренче музыка коралы – Җиһанов Мария Александровна Пятницкаяда шөгыльләнә. Һәм әле тагын техникумның студентлар симфоник оркестрында фаготада да уйный.

Программа

14.00 – Татарстан Республикасының Дәүләт кыллы квартеты – Шамил Монасыйпов – I скрипка, Марат Зарипов – II скрипка, Марат Әюпов – альт, Ильяс Камалов – виолончель. Башкарыла:

Н.Г.Җиһанов «Иртә һәм вальс»

М. Ә. Мозаффаров «Баламишкин»

16: 00 – Казан дәүләт консерваториясенең альт, виолончель һәм контрабас кафедрасы мөдире, Татарстан Республикасының атказанган артисты һәм Татарстан Республикасының атказанган сәнгать эшлеклесе Ирина Лаптева классында белем алучы студентлар чыгышы. Башкарыла:

1 .А.Дворжак. Виолончель өчен концерт си минор, 2 һәм 3 өлешләр. Константин Машицкий башкара.

2. И.Брамс. Виолончель һәм фортепиано өчен Соната. 3 өлештән. Мария Ипатьева башкара.

3. Э.В. Элгар. Виолончель өчен концерт. 4 өлештән. Анна Таймасова башкара.

Фортепиано партиясе-Анна Милешко

15 гыйнвар, 14.00 һәм 16.00

Татарстан Республикасы Милли музее-2 кат

Керү музей билетлары буенча