Бүген Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Омск өлкәсе Каракүл авылына эш сәфәре кысаларында агач утыртуда катнашты.
6 май көнне биредә зур янгын чыккан, нәтиҗәдә 14 торак йорт, 11 бина, берничә техника янган. Җәй эчендә авылда 9 йорт торгызылды. Ә бүген тантаналы рәвештә агач үсентеләре утыртылды.
Милли Шура рәисе яңа йорт хуҗаларына шамаил һәм изге Коръән бүләк итте.
