Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Кырым Республикасына килде. Биредә Милли Шура рәисе Симферополь шәһәренең Җәмигъ мәчетен карады.

2017 елның апрелендә төзелә башлаган ” Джума Джами” мәчете Симферопольнең Көньяк биеклегендә, сусаклагыч районында урнашкан. Мәчет бинасы 37х37 метр зурлыкта, гөмбәзе 28 метр биеклектә. Мәчетнең дүрт манарасы бар, аларның һәрберсенең биеклеге 50 метр. Мәчетнең төп бинасы 3 меңнән артык кешене сыйдыра алачак.