Мөслим мөхтәсибәте балалар өчен “Минем Рамазан аем” иҗади эшләр бәйгесен оештырды. Бәйгегә эшләр өч номинациядә кабул ителде.

– “Минем Рамазан аем” бәйгесенең максаты гаилә мөнәсәбәтләрен ныгыту: әти, әни, балалар һәм туганнар арасында бердәмлек булдыру, ислам динен популярлаштыру, – ди районыбызның имам-мөхтәсибе Илгиз хәзрәт Сөнгатуллин.

Бәйгедә 49 бала катнашты. “Рәсем” номинациясе 1-4 сыйныф укучыларына адресланган иде. “Язма” һәм “Видеоязма” номинацияләрендә 5-11 сыйныфлар катнашты. Исеменнән үк күренгәнчә, иҗат эшләре Рамазан темасын ачарга тиеш иде.

– Материалның үзең, гаиләң, якыннарың турында булуы хуплана. “Рәсем” номинациясенең төп шарты – тере затларны сурәтләү тыела, – диде “Минем Рамазан аем” проекты җитәкчесе Илүсә Исламова.

Чыганак: muslumirc.ru