Моннан берничә ел элек Мордовия Республикасы мөфтияте татар авылларындагы мәчетләр каршында оешкан хоккей командалары арасында өлкә турниры оештыра башлаган иде. Быел исә, әлеге эшне оештыруда республикада әле күптән түгел генә оешкан татар эшмәкәрләре Клубы да үз өлешен кертте. Алар бу турнирның баш иганәчеләре буларак чыгыш ясадылар. Быел турнирда катнашучы командаларның саны гына түгел, ә географиясе дә артты. Анда беренче тапкыр Түбән Новгород егетләре дә көч сынашты.