18 февральдә “Параскева Пятница” үзәгендә,  Туган тел көненә багышланган “Мәдәниятләр диалогы” дип аталган иҗади милләтара очрашу оештырылган иде. Чара җылы атмосферасында узды, анда шәһәрдәге милли мәдәни үзәк вәкилләре катнашты. Татар автономиясен ( Новокузнецк шәһәре, Кузбасс)  «НУР» коллективы тәкьдим итте (җитәкчесе Гайнетдинова Гөлсинә).

Кунакларны татар халкының танылган  камыр ризыгы  гөбәдия һәм туган як кырларыннан җыйган, чын чәчәк балы белән сыйладык. Әле алай гына да түгел, саф татар телендә Гөлсинә Абдуллина башкаруында «Үтте дә китте яшлегем» дигән җырны тыңлаттык. Бу кичәдән барыбыз да бик канәгәть булып калдык.