Бөтендөнья татар конгрессы Башкарма комитеты җитәкчесе урынбасары Илгиз Халиков Татарстан Республикасы Мәгариф һәм фән министрлыгы делегациясе составында Оренбург шәһәренә эшлекле сәфәр кылды. Программа кысаларында делегация әгъзалары Муса Җәлил һәйкәленә чәчәкләр салды, Хөсәен Ямашев ис. Татар китапханәсе эшчәнлеге белән таныштылар.

Шулай ук мәгариф өлкәсендә Татарстан белән Оренбург өлкәсе арасында килешү төзелде. Көн дәвамында делегация Татар Каргалысы мәктәбе эшчәнлеге белән танышты һәм М.Фәйзи ис. Оренбург өлкәсе татар драма театрының М.Җәлил тормышына багышланган спектакльны карады.