Пенза өлкәсенең Кузнецк шәһәрендәге 1903 нче номерлы мәчет каршында хатын-кызлар өчен якшәмбе курслары кабат башланды. Бу хакта җомга вәгазендә, шулай ук социаль месенджерларда хәбәр ителде. Россия мөселманнары Дини җыены Үзәкләштерелгән дини оешмасы шул турыда хәбәр итә.
Төркемнәр санын һәм расписаниесен формалаштыру турында карар җыелышта кабул ителгән. Шулай ук анда укыту оештыру мәсьәләләре дә каралган.
Дәресләр атнага берничә тапкыр график буенча даими үтә. Белемнәрне дәвам итүче һәм укуны башлап җибәрүче төркемнәр бар.
Төркемнәрне Пенза өлкәсе мөселманнарының төбәк диния нәзарәте укытучылары: Рәсим хәзрәт Әюпов, Илдар хәзрәт Нигъмәтуллин, Равил хәзрәт Коләхмәтов, Ислам хәзрәт Юнкин һәм башкалар укытачак, диелә хәбәрдә.
