Пенза өлкә китапханәсендә җиңүчеләрне һәм аларның фәнни җитәкчеләрен М.Ю. Лермонтов исемендәге «Яратам сине, минем туган ягым!» X фәнни-гамәли өлкә конференциясенең бүләкләү тантанасы үткәрелде.

Конференциянең оештыручысы һәм инициаторы булып Пенза өлкәсенең Татар милли-мәдәни автономиясе Региональ иҗтимагый оешмасы тора. Ул РФ Милләтләр эшләре буенча федераль агентлыкның Грант ярдәме белән һәм Пенза өлкәсе Мәгариф министрлыгы, шулай ук Татар федераль милли-мәдәни автономиясе ярдәме белән дә оештырыла.

Конкурста җиңүчеләргә хөрмәтле кунаклар сәламләү сүзләре белән мөрәҗәгать итте: Барыкина Ирина Викторовна – гомуми белем бирү үсеше идарәсе башлыгы, Пенза өлкәсе Мәгариф министрлыгы, Белорыбкин Геннадий Николаевич – тарих фәннәре докторы, профессор, өзлексез белем институты директоры, Гагаев Павел Александрович – педагогика фәннәре докторы, ПГУ профессоры һәм башкалар.

“Үз чыгышларында алар әлеге конференциянең мөһимлеген һәм әһәмиятен ассызыкладылар һәм яшь тикшеренүчеләргә алга таба да фәнни-танып белү эшчәнлеге белән шөгыльләнүләрен, туган якларының тарихын, якташларының хәтерен өйрәнүләрен, кече ватаннарына мәхәббәтне саклап калуны һәм Сур җирендә яшәүнең гүзәллеге турында үз тәэсирләре белән уртаклашуларын теләделәр”, – дип билгеләде Пенза өлкәсенең Татар автономиясе рәисе урынбасары Гөлназ Самочкина.

Бүләкләү тантанасы иркен шартларда узды. Конференция дипломантларын котлыйбыз һәм алга таба да һөнәри эшчәнлектә һәм яңа фәнни биеклекләрне яулауда уңышлар телибез!