10 апрель Пермь краеның Барда авылында VIII Ягъфәров укулары узды. Чара Рәшит ага Ягъфәровның 75 еллык юбилеена багышланды. Рәшит аганы Барда халкы хөрмәт итә. Күпләр өчен фольклорчы, шагыйрь һәм җәмәгать эшлеклесе Рәшит ага Казанны ача, укырга керергә һәм гомумән үзләрен татар дөньясында табарга ярдәм итә. Чарада шулай ук ТР язучылар Берлеге рәисе Ркаил Зәйдулла, танылган драмматурглар Мансур Гыйләҗев белән Рәдиф Сәгъди һәм Рәшит аганың улы ТР Кинематографистлар берлеге Рәисе Илдар Ягъфәров катнаштылар.