2022 нче елның 25 нче апрелендә Пенза өлкәсенең Спутник шәһәрендә Идел буе Болгар дәүләтендә Ислам динен кабул итүгә 1100 ел тулуга багышланган аллея ачылды.

Чарада “Пенза өлкәсенең татар милли-мәдәни автономиясе” төбәк иҗтимагый оешмасы әгъзалары,  Бөтендөнья татар конгрессы Башкарма комитеты рәисе Данис Фәнис улы Шакиров, шулай ук төбәкнең эчке һәм мәгълүмати сәясәте министры Павел Сергей улы Маслов  һәм район татар мәдәнияте оешмалары рәисләре катнашты.
Данис Фәнис улы сүзләренчә, агач утырту безнең һәм киләчәк буыннар өчен идеологик нигез сала.

Шунысын да билгеләп үтәргә кирәк, чара барышында милләтара хезмәттәшлекнең башка мәсьәләләре дә сөйләшенә: Спутник шәһәренең фонтан мәйданы 2024-2025 елда Федераль Сабантуй үткәрү урыны буларак карала.