Бүген Удмуртиянең башкаласы Ижевск шәһәрендә Идел буе Федераль округының татар оешмалары җитәкчеләре җыелдылар.

Программа кысаларында милләттәшләребез Халыклар дуслыгы йортында эшләп килүче төрле милләт вәкилләре оешмаларының эшчәнлеге белән таныштылар. Шулай ук кунаклар Ислам дине кабул ителүнең 1100 еллыгы уңаеннан оештырылган күргәзмәне дә карадылар. Оешма җитәкчеләрен әлеге кызыклы экспозиция белән Удмуртиянең Төньяк татарлары мөхтәсибе Ильмир хәзрәт Касимов таныштырды.