tatruen
Баш бит / Яңалыклар / Түбән Кама мөхтәсибәте намаз уку экспресс-курсларын ачты
Түбән Кама мөхтәсибәте намаз уку экспресс-курсларын ачты

Түбән Кама мөхтәсибәте намаз уку экспресс-курсларын ачты

25нче гыйнварда Түбән Каманың “Җәмигъ” мәчетендә намаз уку күнекмәләренә һәм Ислам нигезләренә өйрәтү буенча экспресс-курслар ачылды. “Намаз – бәхет ачкычы” дип исемләнгән курсның беренче дәресендә йөздән артык кеше – 143 хатын-кыз һәм 25 ир-ат булды.

Курсның махсус программасы Исламда беренче адымнарын ясарга теләүче дин кардәшләребез өчен булдырылган. Укулар шимбә көннәрендә узачак һәм ул 5 дәресне үз эченә алачак.

Исегезгә төшерәбез, 2018нче елдан Татарстан мөфтияте тарафыннан “Ислам. Беренче адымнар” проекты гамәлгә ашырыла, ул кешеләрне биш вакыт намазларны укуга тарту һәм Ислам нигезләрен танып белүгә җәлеп итү максатыннан оештырыла. Бу ТР мөселманнары Диния нәзарәтенең халык арасында иң популяр башлангычларының берсе, аның ярдәмендә 400дән артык кеше намазга басты һәм, асылда, намаз әһеленә әверелде. Әлеге экспресс-курслар тәҗрибәсе шулай ук Татарстан мөхтәсибәтләрендә дә уңышлы файдаланыла.

dumrt.ru

Фикер калдырырга

Обязательные поля отмечены *

*