Ниһаять, Уфада “Әр-Рәхим” мәчетен төзеп бетерәчәкләр.
“Урал” хәйрия фонды шушы елның ноябреннән аны яңадан финанслый башлаячак. Фондның башка юнәлешләренә чыгымнар кыскартылачак. Мәчетне төзеп бетерү өчен 5-6 миллиард сум акча таләп ителә, дип белдерә Мортаза Рәхимов.
“Әр-Рәхим” 2007 елда төзелә башлаган иде. Төзелеш 2016 елда “туңдырылды”. Республика мөселманнарының диния нәзарәте белән низагтан соң, “Урал” төзелешкә спонсорлык ярдәме күрсәтүдән туктаган булган.
