23 нче февраль көнне өлкә губернаторы Алексей Русских катнашында «Дуслык» кубогына минифутбол буенча төбәкара турнир узды. Анда Идел буе төбәкләреннән 30 команда катнашты.

Ярышта Ульяновск өлкә татар милли-мәдәни автономиясе командасы 1 нче урынны алды. Кичә татар мәдәният үзәгендә футбол командасы уенчылары Кубокны «Татар мәдәнияте һәм мәгарифе музеена» истәлеккә тапшырдылар.

Ә футбол командасы егетләренә автономиянең рәхмәт хатлары һәм Коръән китаплары тапшырылды. Әлеге команданы туплаган Җәмил Хәйруллов белдергәнчә, озакламый алар Саранск шәһәрендә узачак зур ярышка китәчәк. Аларга уңышлар телик, ә егетләргә «Әфәрин!» диик.

Рамис Сафин

Ульяновск