Ульяновск өлкәсенең Яңа Малыклы районы төбәкнең иң күп милләтле районнарының берсе. Биредә озак еллардан бирле дуслыкта һәм үзара хезмәттәшлектә дистәдән артык милләт вәкиле гомер итә. Районда алты татар авылы бар, анда һәм район үзәгендә биш меңгә якын кан-кардәшебез яши. Һәр милләтнең дә телен, мәдәниятен һәм рухи байлыкларын саклау максатыннан биредә һәрдаим кызыклы милли чаралар уза. Шуларның берсе “Малыклы икмәге” бәйрәмендә безнең хәбәрчеләребез дә булып кайтты.