Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Түбән Әләзән авылындагы эшлекле сәфәрне дәвам итә. Бүген “ЭКОПРОД” сәүдә комплексында, забой цехында очрашу булды.
«ЭКОПРОД» – ит ярымфабрикатлары һәм деликатеслар җитештерү буенча заманча җитештерү предприятиесе. Терлек үстерүдән алып, әзер продукцияне эшкәртүгә, транспортлауга һәм сатуга кадәр, шулай ук продукцияне барлык этапларда җентекләп контрольдә тотуга кадәр әлеге продуктлар Россиянең ит продуктлары базарында ихтыяҗлы һәм конкурентлыкка сәләтле. Хәзер әлеге компаниянең үз фермалары, терлекләр үстерү өчен үз җирләре, чимал әзерләү цехы, җитештерү базасы бар.
Завод Германия, Италия һәм Испаниядән заманча импорт җиһазлары белән тәэмин ителгән, биредә шулай ук югары квалификацияле белгечләр эшли.
