Күптән түгел Самара өлкәсенең Гали мәктәбе укытучылары, тәрбиячеләр, “Ак калфак” хатын-кызлар оешмасы һәм “Мирас” фольклор төркеме әгъзалары Бөтендөнья татар конгрессында кунакта булды. Башкарма комитет җитәкчесе Данис Шакиров һәм Бөтендөнья татар хатын-кызларының “Ак калфак” иҗтимагый оешмасы рәисе Кадрия Идрисова бик тә нәтиҗәле очрашу оештырдылар.

Бүген исә Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эшлекле сәфәр белән Самара өлкәсенә бара. Биредә ул татар җәмәгатьчелеге вәкилләре белән очрашулар үткәрәчәк.