Татарстан Республикасы Премьер-министры урынбасары, Бөтендөнья татар конгрессы Милли Шура рәисе Васил Шәйхразыев эшлекле сәфәр белән Саха (Якутия) Республикасына килде.

Аны Саха(Якутия) Республикасының “Туган Як” татар мәдәни үзәге иҗтимагый оешмасы рәисе Игорь Халилов һәм Саха(Якутия) Республикасының “Туган Як” татар мәдәни үзәге иҗтимагый оешмасы әгъзасы Анатолий Михайлов каршы алды.

Биредә Васил Шәйхразыев Советлар Союзы Герое, патриот шагыйрь Муса Җәлил бюстын ачу тантанасында катнашачак. Шулай ук 2025 елда Саха (Якутия) Республикасында XXV Федераль Сабантуйны әзерләү һәм үткәрү буенча оештыру комитеты утырышы узачак.